(ഫോക്കസ് ജിദ്ദ സംഘടിപ്പിച്ച 'ഇന്ത്യന് മതേതരത്വം പ്രതീക്ഷകളും ആശങ്കകളും' ഓപ്പണ് ഫോറത്തിലെ വിഷയാവതരണം)
‘സെക്യുലറിസം' അഥവാ മതേതരത്വം എന്ന ആശയം ലോകാടിസ്ഥാനത്തില് പ്രധാനമായും മൂന്നു വിധത്തില് നിര്വചിക്കപ്പെട്ടു വരുന്നുണ്ട്. ഒന്നാമത്തെ രീതി മതനിരാസം അല്ലെങ്കില് ദൈവനിഷേധത്തിന്റേതാണ്. രണ്ടാമത്തെ രീതിയനുസരിച്ച് അവരവരുടെ വ്യക്തി ജീവിതത്തില് ദൈവവിശ്വാസം ആവാമെങ്കിലും മനുഷ്യന്റെ സാമൂഹിക ജീവിതത്തില് ഇടപെടാന് മതത്തെയോ ദൈവ വിശ്വാസത്തെയോ അനുവദിക്കുന്നില്ല. മൂന്നാമത്തെ രീതിയനുസരിച്ച് എല്ലാ മതങ്ങളെയും ഒരു പോലെ പരിഗണിക്കുകയും അവരവര്ക്കിഷ്ടമുള്ള മതവിശ്വാസം സ്വീകരിക്കുവാന് സ്വാതന്ത്യം നല്കുകയും ചെയ്യുന്നു. ഇന്ത്യന് മതേതരത്വത്തിന്റെ അടിസ്ഥാനം ഈ മൂന്നാമത്തെ രീതിയാണ്.
